Ég sýndi frá þessum súper einfalda og góða rétti á snappinu í dag en hann er fullkominn “daginn eftir matur” því hrísgrjónin eru best ef þau eru frá kvöldinu áður. Það væri einnig hægt að sjóða þau í hádeginu og láta þau bíða í kæli þar til þau eru elduð.

Ég hef gert þennan rétt einnig með kjúkling en þá steiki ég kjúklinginn upp úr kókosolíu og bæti svo við sósunni sem inniheldur 3 msk af teriyaki sósu, 3 msk sykur og 3 msk soja sósu. Ég skar bitana óþarflega stórt svo að ég skar þá í minni bita þegar þeir voru orðnir fulleldaðir og bætti þeim við á sama tíma og grjónunum.

Hráefni

2 msk sesam olía

1 gulur laukur saxaður

2 gulrætur rifnar niður

hálfur bolli ertur ( baunir)

2 egg

1 poki soðin hrísgrjón

3 msk soja

1 msk tamari sósa

Aðferð

1. Olían hituð á pönnu og grænmetinu bætt útí. Steikið grænmetið þar til það verður mjúkt.

2. Grænmetinu ýtt til hliðar og eggin hrærð (scrömbluð) í miðjunni. Þegar eggin eru tilbúin er öllu blandað saman

3. Hrísgrjónunum bætt útí ásamt sósunum ( og fullelduðu kjöti ef kjöti er bætt við).

4. Blandið öllu við þar til grjónin eru orðin heit í gegn.  

5. Smakkið til og bætið við sesamolíu, sojasósu og tamari sósu eftir smekk

Ég bar matinn fram með söxuðum salthnetum. vorlauk, kóríander og spicy mæjó.

Spicy mæjó
Lítil dolla af léttmæjónesi

4 tsk  sriracha sósa

5 dropar tabaskó sósa

Blandið öllum hráefnunum saman og bætið sterku sósunum við eftir smekk – ég vil hafa mitt spicy mæjó

Njótið vel,

Hildur x

frekar sterkt en það er smekksatriði.