Þessi kaka er búin til úr því sem ég átti í eldhúsinu. Þetta er eitthvað sem flestir eiga til hjá sér ef þeir hafa bakað áður, ALGJÖR snilld.

Það sem þarf í kökuna er:

• 2 egg

• 100g smjör

• 3 dl hveiti

• 2 dl sykur

• 2 tsk lyftiduft

• 2 tsk vanillusykur

• 1 dl mjólk

Byrjið á því að hita ofninn í 185gráður á undir- og yfirhita. Smjörið er síðan brætt og mjólk bætt út í þegar það hefur kólnað. Egg og sykur er þeytt þar til blandan verður ljós og létt. Hveiti, lyftidufti og vanillusykri er þá blandað saman í sér skál og bætt út í smátt saman við eggjablönduna til skiptis við smjör/mjólkurblönduna. Degið er sett í kökuform (ég notaði eldfastmót og spreyjaði pam spreyi áður). Sett svo í ofninn í ca. 25-30 min.

Vanillu smjörkrem:

• 150g smjör (VIÐ STOFUHITA)

• 200g flórsykur

• 2 msk síróp

• 2 tsk vanillusykur

Smjörið er hrært þar til það er orðið kremkennt. Flórsykri (sigtuðum) og vanillusykri er bætt hægt útí á meðan hrært er. Síðan er sírópinu blandað við í lokinn. Ef kremið er of þykkt má þynna það með smá mjólk.

Svo að sjálfsögðu bætið þið matarlit út í ef þið viljið lit á kremið.

Það sem er einstaklega gott við smjörkremið er vanillusykurinn og sírópið

VOILA!

Karen Mjöll