Þegar ég tók út mjólkurvörurnar þá sendi Kristín vinkona mér þessa uppskrift af dásamlegum súkkulaðibitakökum og sagði þær betri en kökurnar á Subway – sem þær eru!

Uppskriftin er afar einföld og það tekur enga stund að skella í þær :

1. Ofninn settur á blástur og 180°c

2. Öllum hráefnunum blandað saman nema saxaða súkkulaðinu. Það er sett útí síðast.
   180 gr púðursykur
   1 egg
   150 gr hveiti
   100 gr smjörlíki
   ½ tsk matarsódi
   ½ tsk salt
   ½ tsk vanilludropar
   100 gr gróflega saxað suðusúkkulaði

3. Hæfilega stórar kúlur mótaðar og settar á plötu. Ýtt með gaffli á hverja og eina.

4. Bakað í 8-10 mínútur.

Mér finnst þær bestar þegar þær eru orðnar alveg kaldar en misjafn er smekkur manna.
Njótið vel!